""Кинигэ күүһэ" регионнар икки ардыларынааҕы акция Суотту орто оскуолатыгар 10-с, 6--с кылаас үөрэнээччилэригэр ыам ыйын 26 күнүгэр ыытылынна.

   Оҕону кинигэ ааҕыытыгар угуйар, билиини тарҕатар акцияны 2019 Саха сирин национальнай библиотеката көҕүлээбитэ. Ол кэмтэн ыла Россия атын регионнарыгар тарҕанан көхтөөхтүк ыытыллар. Быйыл акция ыытыллыбыта 8-с сыла.

   Хоноҕор библиотекатын сэбиэдиссэйэ, нэһилиэк депутата  Осипова Ирина Аркадиевна оҕолорго П.А. Ойуунускай олоҕун, айар үлэтин,  айымньыларын билиһиннэрдэ уонна өлбөт-сүппэт "Оҕо куйуурдуу турара" кэпсээнин ааҕан иһитиннэрдэ. Оҕолор чуумпуран олорон иһиттилэр, айымньыны саҥалыы хараҕынан көрөн, истэн сэргээтилэр.

   Акцияны ыытыыга көмө буолбут кылаас салайааччытыгар Копырина Аксиния Ивановнаҕа махталбын биллэрэбин.

Черкашина Р.Н.