Саха сиригэр Ийэ күнүнэн Суотту библиотекатыгар «Күн Күбэй ийэлэрбитигэр» нэдиэлэ буолан ааста. «Ийэлэргэ анаан…», кинигэ быыстапкалара турдулар, «Галерея матерей» видеоролик, Суотту Герой ийэлэрин сырдатар сайт матырыйааллара социальнай ситимнэринэн тарҕаннылар. , Ийэлэрбит бэйэлэрин сатабылларыгар уһуйар маастар кылаастар алтынньы 23 күнүгэр ыытылыннылар.
Алтынньы 23 күнүгэр Саха сиригэр Ийэ күнүн нэдиэлэтин чэрчитинэн Суотту библиотекатыгар
«ИЙЭ ИЛИИТИН СЫЛААҺА» ийэлэрбит бэйэлэрин сатабылларыгар уһуйар маастар кылаастар ыытыллыннылар. Нэһилиэкпит сатабыллаах ийэлэрэ тоҕуоруһа мустан бэрт сэргэх тэрээһин буолла.
Бубякина Евдокия Трофимовна гиипсэнэн оҥоһуктарын көрүүгэ туруорда. Интириэһинэй дьарыктаах эдэр ийэ дьарыгын дьон сэргии көрдө.
Черосова Марфа Николаевна минньигэс астаах хаһаайка «Быар торт» , «Черепаха» торт аҕалан көрүүгэ туруорда.
Ордахова Лариса Семеновна социальнай контракт хайдах ылыахха, ким туһаныан сөбүн кэпсээтэ.
Иванова Евдокия Иннокентьевна чомпой, дьабака бэргэһэлэр, үтүлүк тигиитин кистэлэҥнэрин кэпсээтэ, нэмиэттэрин тарҕатта.
Тарасова Татьяна Ивановна бэйэтин оҕуруотун аһыттан сыллата оҥорор борщ оҥоһуутун билиһиннэрдэ, ырысыабын үллэһиннэ.
Пак Татьяна Васильевна 2011 сылтан «ЗОЖ» сурунаалга сурутар. Кини бу сурунаалтан туһалаах сүбэлэри, саҥаттан саҥа билиини ыларын кэпсээтэ. Кини урукку өттүгэр икки сыл библиотекаҕа бу сурунаалы суруйтаран бэлэх оҥорон турар. Ону сөргүтэн кэлэр сылга «ЗОЖ» сурунаалы библиотекаҕа суруйтарар былааннааҕын эттэ.
Саввинова Галина Васильевна доруобуйаны бөҕөргөтөр сүбэлэри үллэһиннэ.
Охлопкова Раиса Егоровна ийэтин туһунан истиҥ кэпсээнин иһиттибит, панно оҥоһуутун техникатын билиһиннэрбитин сэргээтибит.
Бочкарева Прасковья Владимировна эдэр ийэлэргэ хоруоҥкаттан уонна пайеткаттан киэргэл оҥорорго үөрэттэ.
Маннык маастар кылаастар библиотека дьиэтигэр сыллата тэриллэллэрэ, элбэх ийэ болҕомтотун тардар. Сылтан сыл кыттааччы, интириэстээх үөрэнээччи элбии турдун!
Кэлэн маастар кылаас ыыппыт, сэҥээрэ көрбүт ийэлэрбитигэр, эбээлэрбитигэр махталбытын тиэрдэбит!